MIDDAG MED GODFREY

Velkomen til ei smaksreise utanom det vanlege: Matfenomenet Middag med Godfrey gjer endeleg sitt inntog på festivalmenyen.

 

Godfrey Manoharan og familien har teke Bergen med storm med pop-up-konseptet Middag med Godfrey. Dei månadlege middagane på utvalde restaurantar har blitt utselde i god tid – og no kjem han til Balestrand for aller første gong.
 

Med røter frå Tamil Nadu og lang erfaring med å formidle mat som historie, har Godfrey servert frå sin eigen bod på Nasjonalbiblioteket i Oslo, Festspela i Bergen og Bergenfest.
 

I Balestrand får du smake på ekte tamilsk og sørindisk mat – laga frå botnen, med kraft, krydder og kjærleik. Dette er rettar du sjeldan finn på restaurant i Noreg, så her er det berre å gle seg!