ETTERFEST TIRSDAG: Badeklubb med Skatebård

Etter suksessen i fjor er Teknoteket tilbake på same lokasjon, med same lydrigg som fekk veggane til å be om nåde sist. Vi snakkar varme grooves, tunge smil og dansing langt inn i den delen av natta der fuglane byrjar å vakne. 

På plakaten er ingen ringare enn Skatebård. Ein legende i norsk elektronisk musikk som i over tjue år har reist verda rundt med sin heilt særeigne miks av rave, house, synthpop og italo disco. Musikken hans kjennest litt som å bli plassert på dekk på ei kosmisk ferje med kurs for det ytre rom, medan nokon serverer deg ein discokule og seier «hald fast».